Only for Entertainment

କର୍ମଜୀବୀ ମା’ମାନଙ୍କ ପାଇଁ ପ୍ରେରଣା ପାଲଟିଲେ ସେରେନା ୱିଲିୟମସ

CNN International
3

ସର୍ବଶ୍ରେଷ୍ଠ ମହିଳା ଟେନିସ୍‍ ଖେଳାଳି ତଥା ୨୩ ଥର ଗ୍ରାଣ୍ଡସ୍ଲାମ ବିଜେତା ସେରେନା ୱିଲିୟମସ ଖାଲି ଯେ ଜଣେ ଭଲ ଖେଳାଳି ତା’ ନୁହେଁ ବରଂ ଜଣେ ଆଦର୍ଶ କର୍ମଜୀବୀ ମା’ । ସେ ନିଜେ ଏହାକୁ ନିଜର ଏକ ଫଟୋ ମାଧ୍ୟମରେ ପ୍ରମାଣିତ କରିଛନ୍ତି । ନିକଟରେ ସେରେନା ନିଜ ଝିଅ ଆଲେକ୍ସିଙ୍କ ସହ ଏକ ଫଟୋ ଇନଷ୍ଟାଗ୍ରାମରେ ଛାଡ଼ିଛନ୍ତି । ଝିଅକୁ ଧରି ସେ ଶାରିରୀକ ଅଭ୍ୟାସ କରୁଥିଲା ବେଳେ ଲେଖିଛନ୍ତି ଯେ, ମୁଁ ନୂଆବର୍ଷରେ ମୋର ପ୍ରଥମ ମ୍ୟାଚ ପାଇଁ ପ୍ରସ୍ତୁତି ଆରମ୍ଭ କରିଦେଇଛି ।

 

ସେରେନା ଲେଖିଛନ୍ତି ଯେ, ନୂଆବର୍ଷରେ ଆମେ ପ୍ରବେଶ କରିଛେ ଏ ସମ୍ପର୍କରେ ଆମକୁ ଦୃଷ୍ଟି ଦେବାକୁ ପଡ଼ିବ ଯେ କର୍ମଜୀବୀ ମା’ ଭାବେ ଆମକୁ କ’ଣ କରିବାକୁ ଦରକାର । ପ୍ରଥମ ମ୍ୟାଚ ପାଇଁ ମୁଁ ପ୍ରସ୍ତୁତି ଆରମ୍ଭ କରିଥିଲା ବେଳେ ମୋ ଝିଅ ଥକି ପଡ଼ିଛି । ସେ ଦୁଃଖି ମଧ୍ୟ ଅଛି । ତାକୁ କେବଳ ଦରକାର ମା’ର ସ୍ନେହ ଏବଂ ମା’ କୋଳରେ ସ୍ଥାନ । ଏହି ପରିସ୍ଥିତିରେ ମୋର କର୍ତ୍ତବ୍ୟ ହେଉଛି ଝିଅକୁ ସ୍ନେହ କରିବା, ତା’ ମନରେ ଖୁସି ଭରିବା । ତେଣୁ ମୁଁ ଝିଅକୁ ଧରି ଏହି ଅଭ୍ୟାସ କରୁଛି । ଅନ୍ୟ କର୍ମଜୀବୀ ମହିଳାମାନେ ମଧ୍ୟ ନିଜ କାମ ଓ ଦାୟିତ୍ୱ ସହ ପିଲାଙ୍କୁ ସ୍ନେହ ଶ୍ରଦ୍ଧା କରିବା ଏବଂ ସେମାନଙ୍କ ଆବଶ୍ୟକତାକୁ ପୂରଣ କରିବା ଦିଗରେ ଚେଷ୍ଟା କରିବା ଦରକାର । ମା’ ଏବଂ ପିଲାଛୁଆଙ୍କ ମଧ୍ୟରେ ସବୁବେଳେ ତାଳମେଳ ଠିକ ରହିବା ନିହାତି ଆବଶ୍ୟକ ।

Comments
Loading...

This website uses cookies to improve your experience. We'll assume you're ok with this, but you can opt-out if you wish. Accept Read More